14:18 Կառլո Անչելոտտին հրաժարվում է «Մոնակո» բաց թողնել դի Մարիային | |
 Մադրիդի «Ռեալի» ղեկավարությունը չի թույլատրի, որ Արգենտինայի հավաքականի 25-ամյա կիսապաշտպան Անխել դի Մարիան տեղափոխվի «Մոնակո», հաղորդում է AS-ը: Ավելի վաղ տեղեկատվություն էր տարածվել, որ ֆուտբոլիստն արդեն համաձայնեցրել է անձնական պայմանագրի կետերը «Մոնակոյի» հետ, ու տրանսֆերը պետք է կայանար ձմռանը: Հաղորդվում էր, որ տրանսֆերի արժեքը պետք է կազմեր 35 մլն եվրո: Սակայն «Ռեալի» գլխավոր մարզիչ Կառլո Անչելոտտին հրաժարվել է բաց թողնել ֆուտբոլիստին: Ընթացիկ մրցաշրջանում Դի Մարիան մասնակցել է Իսպանիայի առաջնության 13 խաղի, խփել է մեկ գոլ ու 3 գոլային փոխանցում կատարել:
| |
