12:49 «Մոնակոն» ցանկանում է ձեռք բերել «Ատլետիկոյի» հերթական հարձակվողին | |
Ֆրանսիական «Մոնակոն» պլանավորում է ձեռք բերել Մադրիդի «Ատլետիկոյի» ևս մեկ հարձակվողի։ Ռադամել Ֆալկաոյից հետո այս անգամ էլ ֆրանսիացիների ուշադրության կենտրոնում է հայտնվել մադրիդյան ակումբի հարձակվող Դիեգո Կոստան. հաղորդում են իսպանական լրատվամիջոցները։ Հաղորդվող տվյալների համաձայն՝ «Մոնակոն» պատրաստ է Իսպանիայի հավաքականի 25-ամյա խաղացողի համար վճարել պահանջվող 45 միլիոն եվրոն, որը նշված է ֆուտբոլիստի պայմանագրում՝ որպես փոխհատուցում։ Հիշեցնենք, որ Կոստային իրենց շարքերում ցանկանում են տեսնել նաև «Բորուսսիան», «Չելսին» և «Արսենալը»։ Արդյունավետությամբ աչքի ընկնող հարձակվողը Իսպանիայի ընթացիկ առաջնության 17 խաղում 19 գոլ է հեղինակել։ | |